اوشاقلار آي اوشاقلار

اوشاق ياشیندان آسیلی اولماياراق اینسانین بالاسی دیر. عیمومیيتله اوشاق بلوغا چاتمامیش اینسانا دئيیلیر. کؤرپه‌لیک مرحله‌‌سی اوشاقلیقدان اؤنجه‌دیر و کؤرپه آياق آچیب يئریش قابیلیتی تاپاندا اوشاق سايیلیر.

اوشاقلیق مرحله‌‌لری :

بیرینجی : اوشاقلیق 1- 21 ياش

ایکینجی :  اوشاقلیق 21 - 30 ياش آراسی

بیر آيلیق کؤرپه‌نین داورانیشلاری : بیر آيلیق کؤرپه‌نین حرکت لری : آغزینی آچیب ، آنادان سود اممه‌‌ک ایسته‌ير. ال لرینی يومروق شکلینده دوزلده‌رک آغزینا آپارار. اوياق اولدوغوندا سیزین اوزونوزه باخاراق سسینیزی دینله‌ير. آرخاسی اوستونده اولارکن يانا دؤنمه‌يه چالیشار. بارماغینیزی اممه‌‌يه چالیشار. آج و ناراحات اولاندا آغلاياراق اؤز ایستگینی سؤيله‌مه‌يه چالیشار. گونون چوخ ساعتینی ياتار ، 2- 3 ساعتدان بیر اوياناراق قیدالانار (غذا یئییر). اوتوراق شکیلده باشینی آرا - سیرا دیک توتا بیلر. اوزو اوسته قويولاندا باشینی تیتره‌ده‌رک قالدیرا بیلر.‌

گؤسترین بارماغینیزی اووجونون ایچینده برک - برک توتار. ديَیشیکلیک لر گؤز عضله‌‌لری اینکیشاف ائتدیکجه گؤز حرکتلرینی داها ياخشی سمتلشدیرمه‌يه باشلار.آرتیق شخصیت يارانماغا باشلايیر ، بئله‌کی بعضی کؤرپه‌لرین کور و سسلی و بعضی لری‌نین ایسه سس سیز سمیر سیز اولماسی بونا ایشاره‌دیر. بیرینجی آيین سونونا دوغرو سیزین دانیشیقلارینیزا، سسلرینیزه و اونا توخونمالارینیزا گؤره گولومسه‌مه‌يه چالیشار. قیدالانما (غذایا دوشن) واختی گئتدیکجه اؤز قايداسینا دوشر. 

تاپلئون بناپارت امپراطور فرانسه :

دو مزیّتی که انسانها را قدرتمند می کند مردان جسور و زنان با ناموس است که در راه ملت خود بدون تردید جانشان را فدا  می نمایند. ترکان دارای چنین مزیّتی هستند. آنان را می توان کُشت اما نمی توان مغلوب کرد.

تاسو شاعر ایتالیایی :

ترکان هنگامی که به دشمن حمله می کنند مثل طوفان بی امان و مانند دریای ترسناک هستند. در میان دوست و دشمن بی سلاح مانند باد سحر ملایم و آب دریا براق میمانند. از این باد ملایم و آب براق سوءاستفاده نکن چون آن را به اقیانوس وحشتناک تبدیل کردن برای آنان مثل آب خوردن است. 

ویلیام مارتین شاعر و نویسنده فرانسوی :

در میان تمام ملت ها پاکدامن ، جسور و در دوستی ثابت قدم ترکان را دیدم . اگر به عنوان مهمان به دهکده ای در ترکستان بروید آن وقت مسافرپروری و صمیمیّت را در آنجا دیده و یاد می گیرید. به نظر من نژاد و ملتی که امپراطوری های بزرگی بنا نهاده اند ترکان هستند که در این کار در تاریخ ماهر بوده اند. امپراطوری های هم زمان ترکان همواره به خاطر ارتباطات اجتماعی ، دینی و عدالت از آنها تقدیر کرده اند.

شاری پادشاه سوئیس :

در پولتاوا اسیر روسها می شدم. این برای من مثل مرگ بود. در جلوی نهر بوغ خطر اسارت بیشتر به نظر می رسید. در مقابلم نهری بزرگ ، در پشتم دشمن بی رحم، و بر سرم آفتاب گرم جهنمی بود. آب مرا غرق ، دشمن مرا تکه تکه می کرد و خورشید می خواست از گرما مرا آب بکند. ترکان نجاتم دادند ولی اسیر خود کردند. اما در زندان نبودم هر کاری که می خواستم انجام می دادم. من اسیر شفقت، نزاکت و اصالت شده بودم. در میان این مردم مهربان ، خون گرم و مهمان نواز زندگی کردن چقدر زیباست.

سئویملی اوشاقلار ، آذربایجان تورکلری نین آنا دیلی ، تورک دیلی دیر. بیز گئرک باشقا دیل لری اؤیرنیب و آنا دیلیمیزده یازیب اوخویاق. نییه کی اولو آتا بابالاریمیز سویله ییب : آنا دیلینی بیلمینه آنا سؤدؤ حلال دئییل.

بشریت ایلک الیفبادا یازدی {تؤرک}

آتا ، دده ‌‌، قاغا ،اینسانین کیشی والیدئينی  :

اینسان جانلیلاردان فرقلی اولاراق اؤز والیدئينلرینی شعورلو صورتده قبول ائدیر. آتانین آدی شخصی آدا ترکیب حیصصه‌‌ کیمی داخیلدیر. آتا آدی مؤعيين حاللاردا نوه‌دن باشلاياراق سونراکی نسیل لر اوچون "سوي آد -  Soyad" (نژاد) اساسی کیمی ده قبول ائدیله بیلر.

بیزیم سئویملی دینیمیز ایسلام دا " آتا " و " آنا "نین ائحتیرامینی ساخلاماق واجیب ساییلیب. بو باره‌ده قرآن کریم ده قئيد اولونور : " تانری نین يالنیز اونا عیبادت ائتمگی و والیدئين لره ياخشیلیق ائتمگی ( اونلارا ياخشی باخیب گؤزل داورانماغی) بويورموشدور.

" اگر اونلارین بیری و يا هر ایکیسی سنین يانیندا (ياشايیب) قوجالیغین ان دوشگون (پیر – از کار افتاده) چاغینا يئترسه، اونلارین اؤستلرینه قیشقیریب آجی سؤز سؤيله‌مه. اونلارلا خوش دانیش ! اونلارین هر ایکیسینی مرحمت قانادی‌نین آلتینا سالیب دئگینن : " ای رببیم ! اونلار منی کؤرپه‌لیگیمدن (نوازیشله) تربیت ائدیب بسله‌دیکلری کیمی، سن ده اونلارا رحم ائت".

عزیز اوشاقلار حادیثه لردن قورونما اؤچون بیر نئچه تاپشیریق.  

1 - کبریت، چاخماق کیمی ياندیریجی، بیچاق، قايچی کیمی کسیجی آلت ‌لردن اوزاق دايانماليیق.

2 - الکتریک (برق) وسیله لرله اويناماماليیق. 

3 - ماشین گلیب گئدن یئرلرده اؤزوموز، باجی، قارداش و یولداشلاریمیزی قورومالییق.     

4 - ماشین لارین شوشه‌لریندن ساللانماماليیق. 

اسلام پیغمبری محمد (ص) حضرتلری بیر حدیثده بویوروب : " جنّت (بهشت) آنالارین آياغی آلتیندادیر".

بو حدیثده اولادلاری يانیندا بیر آنانین نه اؤلچوده بیر ديَیر (ارزش) داشیماسی لازیم اولدوغو وورغولانمیشدیر. حدیثین معناسی، اولادلارین اول ياخشیلیق ائده‌جکلری و بونون قارشیلیغیندا ، ان چوخ مؤکافات (پاداش) آلاجاقلاری آدامین آنالاری اولدوغودور. اولاد لار آنالارینا ياخشی داورانیشدا اولسا، الله بونون موکافاتینی (پاداشینی) جنّت اولاراق وئره‌جک.

تانری نین بویوروقلارینی (فرمایشات) یئرینه یئتیریب، آنالارا اطاعت ائتمک، حؤرمت گؤسترمک، جنتین اهمیتلی بیر آچاریدیر. بو معنادا "جنّت آنالارین آياقلاری آلتیندادیر". اسلام دینی نین باخیمیندان، بیر قادین (خانیم)، آنا اولاراق خصوصی بیر يئری وار و قادینلار و آنالار عزیز دیلر. اونلارا لازیملی حؤرمت و سئوگینی گؤسترمک ده اوشاقلارین وظیفه‌‌سیدیر.

اول دعانین نه اولدوغونا باخاق :

دعا، بیز مومن لرین تانری دان کؤمک ایسته‌مه‌سی، اوندان ياخشیلیق و رحمت دیله‌مه‌سی دئمکدیر. بیزی يارادان و ياشادان الله (تانری) دیر. بو سببدن هر آن اونا مؤحتاجیق. هر احتیاجیمیزی اؤزوموز قارشیلايا بیلمیریک. باشیمیزا گله‌جک بلا و مصیبت لره ده قارشی قويا بیلمیریک. بونا گؤره، الله ین بؤيوکلويو و سونسوز قودرتی قارشیسیندا اؤز گوجسوزلويوموزو آنلايیب اونون رحمتینه احتیاجیمیزی صمیمی دويغولارلا دیله گتیرریک.

بیر چتینلیيه دوشدويوموز زامان تانرییا سیغینار، آرزو و ایستکلریمیزی اونا ایفاده ائدریک. پیغمبریمیز محمد (ص) حضرتلری بویوروب : دعا عبادتدیر. اصلینده هر عبادت بیر نوع دعادیر و يا هر عبادتین اؤزونده دعا واردیر. بدنیمیزین يئمه و ایچمه‌يه احتیاج دويدوغو کیمی، روحوموز دا دعا و عبادت ائتمه‌يه احتیاج دويار. بو بیزیم شخصیتیمیز و نئجه بیر وارلیق اولدوغوموزلا یعنی اینسان اولمامیزلا علاقه داردیر.

آری لار ، 20000 نؤوع ایله گئنیش بیر عائله‌‌يه مالیکدیر. بیر مئعمار و مؤهندیس قدر قابیلیتلی، اجتماعی حیاتی ایله حئیوانلار دونياسی‌نین ان باجاریقلی جانلیسیدیر.  آریلار چوخ ماراقلی بؤجکلردیر.

ان بیلینن و مشهور اولانلاری بال آریلاریدیر. يئدیگیمیز بالی ائدن ده بو آریلاردیر. آری نین بدنی باش، سینه و قاریندان عبارتدیر. بوتون بؤجک نؤوع لری کیمی آریلارین دا هر ایکی يانیندا اوچ اولماق عذره جمعی آلتی قیچلاری واردیر. آری لارین قويروق قیسیمینده‌کی ایينه، اونو دوشمنلریندن قورويار.

1 آری گون ایچینده 10000 آراسیندا چیچک تاماشا ائدر.

يومورتادان چیخان بو جانلی‌نین گؤزلری، قانادلاری و قیچلاری يوخدور.خاریجی گؤرونوش اولاراق بال آریسینا هئچ بنزه‌مز.

بال آریلاری دقیقه‌ده 11400 دفعه‌‌ قاناد چیرپار. بو بیر طيياره‌نین پروانه‌سی کیمیدیر. آری ویزیلتیسی‌نین سببی بودور.

آیدینلیق :

بؤجکلر (حشرات) ، آری (زنبور) ، چالیشقان (فعال) ، ایينه (نیش – سوزن) ، چیچک (گل) ، طيياره‌ (هواپیما) ، ویزیلتیسی (وز- وز)، قاناد چیرپار( بال می زند) دئمکدیر.

پاندا ، دونيادا يالنیز آسيانین شرقینده ياشار. بامبوک آغاجلاری‌نین فیلیزلرینی يئيه‌رک بسلنیر. اوزونلوغو 1.5 مئتر قدر دیر.

 توکلو، قارا و آغ پوستو ایله سئویملی بیر گؤرونوش بوراخار. ایلده بیر دفعه‌‌ بیر بالا دوغورار. عددلری او قدر آزالمیشدیر کی، بو گون قوروما آلتیندادیر.

قوردلار قورخونج شکیلده اولار. آمما بو، کیچیک اوشاقلاری قورخوتماق اوچون دئيیل، اؤز آرالاریندا خبرلشمک اوچوندور.

ایتمیش بیر قورد دا سوروسونه بئله سسلنر. دیگرلری اونا جاواب وئررلر و ایتن قورد بو سسلر واسطه‌‌سیله يولونو تاپار.

قوردلار ائله گوجلو قیشقیریقلار تعیین ائدرلر کی، 10 کیلو متر اوزاقلیقدان ائشیدیله بیلر.

آت ، تاریخ بويونجا اینسانین کؤمکچیسی اولدو.

اول لر يالنیز دؤيوشده، سونرا دا يوک داشیماق و تارلا سورمک اوچون ایستیفاده ائدیلدی.

   يئر اوزونده نئچه نؤوع جانلی وار ؟ 

قوشلار، بؤجکلر، قاریشقالار، حئیوانلار، اوتلار، آغاجلار، چیچکلر.

يئر اوزو چوخ فرقلی و چوخ میقداردا جانلیيلا بزکلیدیر. بو جانلیلارین هر بیری‌نین خصوصی بیر وظیفه‌‌سی واردیر. الله يئر اوزونده هئچ بیر شئيی بوشونا ياراتمامیشدیر. کیمیسیندن ات و سود کیمی قیدالار (غذالار) الده ائدریک.

کیمیسیندن ایلهام آلیب يئنی يئنی ایجادلار ائدریک. کیمیسی يئر اوزونون تمیزلنمه‌سینده وظیفه‌‌لی،

علم آداملاری گؤره‌سن يئر اوزونده نئچه جانلی نؤع وار، دئيه ماراقلانمیشلار. بونون اوچون اوچ ایلدیر بیر سیرا فعالیت لر ایجرا ائدیرلر. بو فعالیت لر بیر مؤدت قدر داوام ائده‌جک.

اوچ مین بیولوژون قاتیلدیغی بو فعالیت لر علم آداملاری يئر اوزونده‌کی جانلیلاری سايیرلار. ایندیيه قدر بیر میليون دوققوز دنه جانلی نؤع موعيين اولونوب. باخاق نه قدر بو عدد نتیجه يه چیخاجاق.

کؤرپه اوشاغين حياتی‌، ياش ياريمينی دولدورانا قدر کورا chora دؤوره‌سی آدلانير.بو زاماندا آنانين اوشاغينی آنا ديلينده دينديرمه‌سی و ديله توتماسی اوشاق دونياسی‌نين ان ايلکين اويونلاريندان ساييلير. اوشاق بو دؤنمده ديلين نه اولدوغونو باشا دوشمه‌سه ده، ديل، آنا ايله اوشاغين آراسيندا، سئوگيليلرين توپ آتيپ - توتما (پينک پونک) اويونونا، عاطيفی (ائموسيونال) برابرليگين آل - وئرينه چئوريلير. بو کيمی عاطيفی آليب وئرمه‌نين، صونرالار، آيلار- ايللر و عؤمور- گون سووشدوقجا، اونودولماسينا باخماياراق، بونلار گله‌جکده قورولان بوتون رابيطه‌لرين بينؤوره‌ داشی، تملی و قايناغی دير.

آنا، ديلين آناسی‌دير - آنا ديلی، ديللرين آناسی‌دير - آنا ديليندن اوزاق قالان مه لر - گئجه گوندوز مه لر - منيم کيمين مه لر - آنا ديلی گئتمز، گئتسه ده دؤنر - قاپيدان سالسان ائشييه ، پنجره‌دن گه لر.

آتا بو دؤورده اوچونجو آدامين خوصوصيتينده دير. اوچونجو آدام شاهيد حؤکمونده‌دير. دينديرمز همده دينديريلمز. آتادير، حوضورو گؤزه گلمز، گؤزه گلمزسه ده حاضير دير. آنا ايله اوشاغين موناسيبتی ايکی من ين بيربيرلريله، ايکی سن ين بيربيريله موناسيبتی‌دير. بئله‌جه من ايله سن موناسيبتينده، بيرجار اوشاق من،‌ آنجاق آنا سن اولور؛ ائله وخت ده وارکی، آنا من اولور و اوشاق سن اولور.هله دوغولماميش ديلين رولو بو موناسيبتده، ايکی وورغونون و ايکی سئوگيلی‌نين سئوگی ديلينی اويناماغيدير. سئوگی اويونو بئله ‌اولور. آنا، اوشاغين وارليغيندا دوغرولور، اوشاغی دوغرولدور، اونونلا دوغرولور. آنا باشدان - آياغا اوشاغ ايله منيمسه‌له‌نير.

فاطمه زهرا (س) : هر کس عبادت خالص خود را به سوی پروردگار بفرستد، خداوند برترین مصلحت خود را به سوی او می‌فرستد.

علامه جعفری : عومرومون اؤتن ایل لرینه باخاندا چوخ سرعت له کئچدیگینی موشاهیده ائتدیم.

بیلگه خاقان: قونشولارینیزین شیرین دیللرینه آلدانمايین. اونلارین شیرین دیللری ایپک کیمی يومشاق،جاناياتیجی دیر.باشقا میلت لر تورک لری ضعیفلتمک اؤچون آرامیزدا قیرغین سالاجاقلار ، چوخ احتیاطلی اولماليیق.

حسن ماکوئی ( زنگیمارلئ) : اونلارکی آزادلیق یولوندا آرزو و ایستکلرینی آیاقلارینین آلتیندا قویوب کئچدیلر ، گلجک آیدین گؤنلره مالیکیدیلر.

قرآن کریم :

...گؤي لرین و يئرین يارادیلیشی، دیللرینیزین و رنگلرینیزین مؤختلیفلیگی ده اونون قودرت علامت لریندن دیر. شوبهه‌سیز کی، بوندا بیلنلر (علم صاحب لری) اؤچون (تانرئ نین هر شئيه قادیر اولماسینا دلالت ائدن) نیشانه‌لر واردیر !

موبارک روم سوره سی آیه 22

سئویملی اوشاقلار بو شکیل حاقییندا و هارا اولدوغونو بیزه یازین و یاریشما (مسابقه) ده ایشتیراک ائدین. قازانان 5 نفر اوشاقالارا بیر دئییرلی جایزه وئریلجک. آدرسیمیز : zangimarli@yahoo.com اورمیه

گول وارکی آدا دوشر- مئيوه وار دادا دوشر

اورمودا  دولاناندا - قاراباغ يادا دوشر. 

اورمونون دنیزی وار - دنیزینده قان ایزی وار

قیزلاری نین آلنیندا - قاراباغ بنیزی وار. 

اورمودان خويا  گللم - چاغیرسان تويا  گللم

قودوزلار يولو کسیب – بیلمم نئجه  گللم. 

داغلارین لالاسیيام – بابکین قالاسیيام

اورمولو دئمه منه - قاراباغ بالاسیيام.

گئنه دؤنیا کیمی باغریم دارالیب - قولاغیم سسده گؤزوم یولدا قالیب - سیزلاییر ساز کیمی غمدن اؤره گیم - هانسی عاشیق اونو حسرتله چالیب - کیم آچیب غم قاپیسین  وارلیغیما ؟ - نییه ایستک قاپیسی باغلئ قالیب - گؤنه حسرت، گئنه آخشام، گئنه غم - گئنه دویغو گولو کؤکدن سارالیب - نه دیلک بازلیغی دیر چیلغین اؤره ک - من اؤچون عرصه ی دؤنیا دارالیب.

بیری وار ایدی، بیری يوخ ایدی، بیر سرچه وار ایدی. آدی جیک - جیک خانیم ایدی. بیر گون جیک - جیک خانیم بو قاراتیکان کولوندان، او بیرینه قونوب جیک - جیک ائله‌يیردی.  بیردن جیک - جیک خانیمین آياغینا تیکان باتدی، نه قدر اللشدی، چیخارا بیلمه‌دی. گؤزلری‌نین ياشینی تؤکوب آغلاماغا باشلادی. قاری ننه اونو گؤروب سوروشدو :

آي جیک - جیک خانیم، نازلی خانیم، مزه‌لی خانیم، نیيه آغلايیرسان؟

جیک - جیک خانیم آغلايا - آغلايا قاری ننه‌يه جاواب وئردی :

آي قاری ننه، آياغیما تیکان باتیب، قانايیب، گل چیخارت ! قاری ننه جیک - جیک خانیمین آياغیندان تیکانی چیخاریب تندیره آتدی. جیک - جیک خانیمین کئفی دورولدو. بیر او يانا، بیر بو يانا اوچوب دئدی : قاری ننه، منیم تیکانیمی قايتار! قاری ننه دئدی: هارادان آلیم، آتدیم تندیره، ياندی.جیک - جیک خانیم دئدی: منه نه بورج، تیکانیمی وئر! وئرمه‌سن، چؤرگینی گؤتوروب قاچارام.قاری ننه گولدو.جیک - جیک خانیم او يانا اوچدو، بو يانا اوچدو، قاری ننه‌نین چؤرگینی گؤتوروب قاچدی.

جیک - جیک خانیم گؤي ایله اوچوردو، گؤردو يئرده بیر چوبان قويون ساغیر. يئره قوندو، چوبانا طرف گلیب دئدی: برکتلی اولسون، چوبان قارداش! چؤرک گتیرمیشم، آل، سوده دوغرا، يه! چوبان چؤرگی آلدی، چاناغینا دوغرادی، اوستونه ده سود تؤکوب دئدی : جیک - جیک خانیم، نازلی خانیم، مزه‌لی خانیم، گل سن ده يه. جیک - جیک خانیم جاواب وئردی: من توخام، يئمیرم، اؤزون يه. چوبان چؤرگی يئيیب قورتاردی.

لالالار، آي لالالار،

لالادان پیيالالار،

قول- بوداغی چیچکلر،

کؤکلریندن بالالار. 

آچماسی: یئرآلما

لينده، آي لينده،

گول بوينونو اينده، 

يئيیلر کال واختیندا، 

يئمک اولماز ديَنده. 

آچماسی: خيار

آغ يئره توخوم سپرلر 

آچماسی: يازی 

آغزی بیردی، دیلی میندی، 

گاه بئله دئيیر، گاه ائله. 

آچماسی: قلم 

آغجا آتی ناللادیم، 

سمرقنده يوللادیم. 

آچماسی: مکتوب

بیر قاپاغی، مین يارپاغی.

آچماسی: کیتاب 

بیر قارپیزیم وار جیغال

اوستونه دونيا سیغار. 

آچماسی: قلوبوس

بیر سئحیرلی فانارام، 

کیبریتسیز ده يانارام 

نه يئرده يوخ، نه گؤيده 

هاوادان ساللانارام. 

آچماسی: الکتریک لامپاسی

قوش دئيیل قانادی وار، 

قوشلاردان يئيین اوچار.

آچماسی: طيياره

اؤزو قارا، سؤزو آغ. 

آچماسی: يازی لؤوحه‌‌سی

  1 - آلت کئچیدلردن،(زیرگذر)

2 - اوست کئچیدلردن،(روگذر)

3 - پیادا کئچیدلریندن(پیاده رو)

4 - مکتب کئچیدلریندن،

5 - يول پولیسی‌نین اولدوغو يئرلردن،

6 - يول ایشیقلاری‌نین اولدوغو يئرلردن،

7 - سايیلانلارین هئچ بیری يوخسا کونج باشلاریندان کئچمه‌لی‌يیک. چونکی؛ هانسی

ایستیقامتدن گلیرسه گلسین بوتون ‌‌ماشین لاری راحتلیقلا گؤره بیلریک.

يولا ائنمه‌دن اول خیابا‌نین کناریندا دايانمالیيیق.

اول سولا، داها سونرا ساغا،

تکرار سولا باخاراق يولو نظارت ائتمه‌لی،

اگر ماشین‌‌ گلمیرسه قاچمادان سرعتلی

آددیملارلا گئتمه‌لی‌يیک. يولون اورتاسینا

گلیندیگینده تکرار ساغا باخاراق، يئنه قاچمادان

سرعتلی آددیملارلا گئده‌رک قارشیيا کئچمه‌لی‌يیک. 

اطرافیمیزی تمیز ساخلاماق اوچون لازیم اولان بعضی قايدالار :

1) يئرلره زیبیل آتمامالیيیق. 

2) زیبیل لری، زیبیل پاکتی‌نین آغیزینی مؤحکمجه باغلادیقدان سونرا زیبیل قوتوسونا آتمالیيیق.

3) ائویمیزین اؤنونو (قاباغینی) و باغچامیزی هفته‌ده ان آز بیر دفعه‌‌ تمیزله‌مه‌لی‌يیک. 

4) يئره توپورمه‌مه‌لی‌يیک. 

5) مئشه‌لری قورومالیيیق. 

6) آغاجلارا ضرر وئرمه‌مه‌لی‌يیک.

7) چمن لرین اوزرینده آتش ياندیرمامالییق. 

8) حئیوانلارا ضرر وئرمه‌مه‌لی‌يیک. 

9) دنیزلری چیرکلتمه‌مه‌لی‌يیک.

هر شاگیردین چانتاسیندا بیر کارانداش چرتن (مداد تراش) تاپیلار. چوخ پراکتیک و چوخ راحت بیر واسطه‌‌دیر.

کارانداشلاریمیزین اوجونو آچماق اوچون تئز- تئز ایستیفاده ائتدیگیمیز کارانداش چرتن 1897 نجی ایلده ایجاد ائدیلدی.

سیزبیلیرسینیزمی، ياز (بهار) نه واخت گلیر؟

عزیز اوشاقلار خالق آراسیندا (ياز- باهار) فروردین آيیندان باشلادیغینی دئيیلیر. تقویمه گؤره باهار فروردین آيینین ایلک گونوندن باشلايیر. ایلک اریين قاردان سونرا نوروزگولو بیترسه، دئمه‌لی باهار گلیب.  

باهار ایسه همیشه يازین گئجه گوندوز برابرلیگینده، یعنی فروردین آیی نین بیرینده باشلايیر. يئری گلمیشکن، باهار 92 گون و 21 ساعت داوام ائدیر. بو يايدان قیسا، پايیز و قیشدان اوزوندور!  

آخشام اولونجا ائرکن (زود) ياتاق.

آیدین آخشاملاری گئج ساعاتا قدر اوتورار و تلویزیونا باخارمیش. آناسی ایسه آیدینا دئدی : اوغلوم، ساعت گئج اولدو صاباح مکتبین وار آرتیق ياتماق لازیمدیر، دئيه خبردار ائدرمیش.

آیدین ، آناسی‌نین بو سؤزلرینی هئچ دینله‌مز و هر دفعه‌‌ بیر بهانه تاپاراق گئج ساعتلارا قدر تلویزیونا سئير ائدرمیش. آیدین ، بیر سحر مکتبه گئتمک اوچون قالخدیغیندا اؤزونو  يورغون و حالسیز حیس ائتدی.

مکتبده (مدرسه) معلمی‌نین درس دئدیکلرینی دینله‌يه بیلمه‌دی و تاپشیریقلارینی ائده بیلمه‌میشدی، بو ایسه اونون درس لریندن گئری قالماسینا سبب اولموشدو. آیدینین بو وضعیتی آناسینی و آتاسینی دا چوخ اؤزموشدو.

آناسی اونا  دئدی : آغیر مرتب اولارق تئز ياتسايدین اؤزونو يورغون حیس ائتمزدین و درسلریندن ده قئری قالمازیدین. آیدین ، آناسینی دینله‌مه‌دیگی اوچون چوخ کدرلنمیشدی.

وسایل لر:

1 عدد سو ایستکانی، 1 عدد کیچیک شام، 1 عدد شام آلتلیغی، کیبریت.

شامی ياندیریب. دیک داياناجاق شکیلده شام آلتلیغینا يئرلشدیرک. يانان شامی سو ابستکانی ایله باغلاياق. بیر مدت موشاهیده ائدک. شامدا نه کیمی ديَیشیکلیکلر اولدو؟

نتیجه : ایستکانین ایچینده‌کی هاوا، بیر مدت سونرا بیتدیگی اوچون شامین ياواش ياواش سؤندويو گؤرولر. جانلیلارین ياشاماق اوچون هاوايا (اکسیژن) احتیاجی اولدوغو کیمی، آتش ده يانماق اوچون هاوايا احتیاج دويار.

سلام، دوغما مکتب :